ឆ្លើយតបនឹងបណ្តាអ្នកសារព័ត៌មានរបស់ស្ថានីយទូរទស្សន៍ ABC ជំទាវទី១អាមេរិកក៏ដឹងដែរថា ក្នុងសាធារណមតិមានពាក្យចចាមអារ៉ាមជុំវិញជីវិតអាពាហ៍របស់ខ្លួន។
អ្នកស្រី Melania និយាយថា ខ្ញុំដឹងថាមនុស្សទាំងឡាយនិងប្រព័ន្ធផ្សព្វផ្សាយចូលចិត្តប៉ាន់ស្មានអំពីជីវិតអាពាហ៍ពិពាហ៍របស់យើងខ្ញុំ ហើយបានធ្វើឱ្យរាលដាលពាក្យចចាមអារ៉ាម។ខ្ញុំយល់ ការទស្សន៍ទាយបែបនេះនឹងជួយឱ្យបណ្ដាសារព័ត៌មាន ទស្សនាវដ្តីសម្បូរណ៍អតិថិជន…។ គួរឱ្យសោកស្ដាយដែរ ដែលយើងទាំងអស់គ្នាត្រូវរស់នៅក្នុងពិភពលោកមួយបែបនេះ។
យ៉ាងនេះក្តីអ្នកស្រី Melania អះអាងថា ខ្លួនពិតជាស្រឡាញ់ប្តីណាស់ ហើយក្នុងតួនាទីជាម្តាយនិងជាជំទាវទី១ នោះអ្នកស្រីមានរឿងសំខាន់ៗសម្រាប់គិតគូរនិងចាប់អារម្មណ៍ ពុំមានពេលស្តាប់នូវការចោទប្រកាន់ថាប្តីរបស់អ្នកស្រីបានបោកប្រាស់ទាក់ទងនឹងតារាអាសអាភាស Playboy នោះ។
គួរកត់សម្គាល់ថា ក្នុងការវាយប្រហារទាក់ទងដល់រឿងស្រីញីរបស់លោកTrumpជំទាវទី១អាមេរិកនេះតែងតែរក្សាភាពស្ងៀមស្ងាត់និងទាត់ចោលនូវពាក្យចចាមអារ៉ាមថារឿងសហាយស្មន់របស់ស្វាមីកំពុងជះឥទ្ធិពលដល់ជីវិតគ្រួសារខ្លួន។នៅពេលអ្នកកាសែតសួរថា តើពាក្យចចាមអារ៉ាមដែលសាចុះសាឡើបែបនេះ តើមានវាឱ្យបេះដូងអ្នកស្រីរងរបួសដែរទេ? ជំទាវទី១បាននៅស្ងៀមមួយសន្ទុះ។បន្ទាប់មកអ្នកស្រីបានឆ្លើយឡើងដាច់ណាត់ថា ប្រព័ន្ធផ្សព្វផ្សាយកំពុងតែធ្វើការប៉ាន់ស្មានតែប៉ុណ្ណោះ។
តាមអ្នកស្រី គ្រប់រឿងរ៉ាវកើតឡើងបែបនេះវាពុំធ្វើឰឱ្យស្រណុកចិត្តប៉ុន្មានទេ ព្រោះ«មិនអាចដឹងថាអ្វីដែលត្រូវ អ្វីដែលខុស អ្វីដែលពិត និងអ្វីដែលពុំមែនជាការពិត»៕សូយន