ប៉ូលិសឱ្យដឹងថាសិស្ស៩រូបបានបរិភោគនំ ដែលមួយសប្តាហ៍ក្រោយទើបត្រូវបានប្រាប់ថាវាមានផ្ទុកផេះធាតុអ្នកដែលស្លាប់។
ប៉ូលិសនៅទីក្រុងPaul Doroshov រដ្ឋCaliforniaឱ្យដឹងថា សិស្ស២នាក់នៃសាលាវិទ្យាល័យDa Vinci Charter Academy កំពុងត្រូវបានស្រាវជ្រាវដោយពាក់ព័ន្ធចំពោះករណីសិស្សស្រីម្នាក់បានធ្វើនំដោយយកផេះធាតុរបស់ ជីដូនជីតាខ្លួនមកលាយបញ្ចូល ហើយចែកឱ្យមិត្តរួមថ្នាក់បរិភោគ។
សិស្សប្រុសម្នាក់បានរំលឹកប្រាប់ថា ក្រោយពីចែកនំឱ្យមិត្តរួមថ្នាក់បរិភោគមួយសប្តាហ៍មុនទើបសិស្សស្រីរូបនោះបានដើរប្រាប់អ្នកគ្រប់គ្នាថាខ្លួនបានយកផេះរបស់ធាតុរបស់អ្នកស្លាប់ដាក់លាយទៅក្នុងនំនោះ។
តាមមន្ត្រីប៉ូលិសខាងលើឱ្យដឹងថា មានសិស្ស៩នាក់បានបរិភោគនំនោះ ហើយពួកគេបានសម្តែងការខឹងសម្បាចំពោះរបៀបដោះស្រាយបញ្ហា ដែលតាមនោះសាលាសំណូមពរឱ្យសិស្សទាំងនោះមិនទម្លាយរឿងនេះចេញ។
នាយកសាសាTyler Millsap ប្រកាសថា អាទិភាពរបស់សាលាគឺ«សុវត្ថិភាពនិងសុភមង្គល»សម្រាប់សិស្សទាំងអស់ ហើយវាពុំមានហានិភ័យចំពោះសុខភាពកើតឡើងក្នុងសាលាទេ។សិស្សដែលបានប្រព្រឹត្តខុសបានសម្តែងនូវវិប្បដិសារី ហើយនេះជាបញ្ហាឯកជនរបស់គ្រួសារមួយ។
សមត្ថកិច្ចបានសហការជាមួយសាលាដើម្បីស៊ើបអង្កត ប៉ុន្តែអ្វីៗទាំងអស់គ្រាន់តែជាចម្លើយរបស់សិស្ស ពុំមានភស្តុតាងដាក់បន្ទុក ហើយម្យ៉ាងទៀតសិស្សទាំងនោះស្ថិតក្នុងវ័យអនីតិជន៕សូយន
