តាមDaily Star អ្នកជំនាញការYijun Yu ចង់ឱ្យក្រុមស៊ើបអង្កតនាំយកយន្តហោះគ្មានអ្នកបើកបរទៅកាន់តំបន់ ព្រៃក្នុងប្រទេសកម្ពុជា រួចចុះសំចតផ្ទាល់លើដីចំកូអ័រដោណេសង្ស័យថាមានវត្តមានMH370។
មុននោះ អ្នកជំនាញការអាកាសចរណ៍សញ្ជាតិអង់គ្លេសIan Wilson អះអាងដាច់អហង្ការថា យន្តហោះBoeing 777-200 មានលេខសម្គាល់MH370 ត្រូវបានគាត់រកឃើញដោយ Google Maps ស្ថិតក្នុងប្រទេសកម្ពុជា។
អ្នកជំនាញការYijun Yu លើកឡើងថា ការរកឃើញរបស់លោកIan Wilson ពិតជាគួរឱ្យត្រួតពិនិត្យមើល ។ កន្លងមកមានក្រុមជំនាញការអាកាសចរណ៍មួយចំនួនបានប្រើប្រាស់ឧទ្ធម្ភាគចក្រស្វែងរកពីលើអាកាស តែពុំមានលទ្ធផល។
អ្នកជំនាញការសរសេរកម្មវិធីអាកាសចរណ៍រូបនេះនិយាយប្រាប់Daily Star ថា៖ «កន្លែងសង្ស័យស្ថិតនៅលើដីគោក ហេតុនេះវាគួរតែត្រូវធ្វើការរុករកដើម្បីបញ្ជាក់។ពួកគេអាចយកយន្តហោះគ្មានអ្នកបើកបរទៅកាន់ទីនោះ ព្រោះវាមិនឆ្ងាយដូចនៅមហាសមុទ្រឥណ្ឌាទេ»។ លោកYijun Yu និយាយបន្ថែម ទោះយ៉ាងណាក៏គួរត្រួតពិនិត្យដើម្បីប្រាកដថា ការលើកឡើងរបស់លោកIan Wilson វាពិតឬមិនពិត។
តាមអ្នកជំនាញការដដែលនិយាយថា ការរុករកដោយប្រើឧទ្ធម្ភាគចក្រមុននេះ ពុំអាចចុះលើផ្ទៃដីបាន គឺពិតជាពុំបញ្ជាក់ពីរឿងអ្វីមួយប្រាកដប្រជាបានឡើយ។ យន្តហោះគ្មានអ្នកបើកបរវាមានទំហំតូច ហេតុនេះវាអាចបន្ទាបចុះលើតំបន់សង្ស័យដើម្បីពិនិត្យមើលជាក់ស្តែង។
ការដែលមិនទាន់រកឃើញប្រអប់ខ្មៅ វាពិតជាមិនអាចដឹងបានអំពីខណៈវេលាចុងក្រោយកើតឡើងចំពោះយន្តហោះនេះ ។
បច្ចុប្បន្នអ្វីៗសុទ្ធសឹងជាការព្យាករណ៍។
ពិតណាស់ហើយថា អ្នកដែលដឹងពីកូអ័រដោណេពិតប្រាកដនោះ គេមិនងាយទម្លាយប្រាប់ឱ្យបានចំៗនោះទេ ព្រោះយ៉ាងណាក៏គេធ្វើដើម្បីប្រាក់រង្វាន់៧០លានដុល្លារ ដែលក្រុមហ៊ុនអាកាសចរណ៍ម៉ាឡេស៊ីបានសន្យានោះ៕សូយន
