ក្រុមហ៊ុនជប៉ុនជិត១០០០ ដែលអមដំណើរនាយករដ្ឋមន្ត្រី Shinzo Abe ទៅទស្សនកិច្ចប្រទេសចិន បានចុះកិច្ចព្រមព្រៀងប្រមាណ៥០០ជាមួយដៃគូចិនដែលមានតម្លៃ ២,៦ ពាន់លានដុល្លារ ។
តាម Nikkei លោកលី ខឺឈាង មិនបានទម្លាយលំអិតបណ្តាកិច្ចព្រមព្រៀងនោះទេ គ្រាន់តែដឹងថាក្នុងនោះមាន គម្រោងរួមមួយអំពីទីក្រុងឆ្លាតវៃនៅប្រទេសថៃ។ក្រៅពីនោះប្រទេសទាំងពីរក៏ឯកភាពបង្កើនកិច្ចសហប្រតិបតិ្តការលើ ទីផ្សារហ៊ុន ក៏ដូចជាកិច្ចព្រមព្រៀងផ្លាស់ប្តូររូបិយប័ណ្ណតម្លៃជិត30,3 ពាន់លានដុល្លារ ដែលមានប្រសិទ្ធភាពពីឆ្នាំ២០២១ ទៅ។ ភាគីទាំងពីរក៏ព្រមព្រៀងឆ្ពោះទៅរកការបង្កើតធនាគារទូទាត់ជាប្រាក់យាន់ ។
នាយករដ្ឋមន្ត្រីចិនក៏បានលើកឡើងថា ទំនាក់ទំនងចិន-ជប៉ុនកំពុងវិលត្រឡប់មកកាន់ «តារាវិថី»ធម្មតាវិញ ហើយប្រទេសទាំងពីរមានតួនាទីមិនអាចខ្វះបានសម្រាប់កិច្ចអភិវឌ្ឍន៍សេដ្ឋកិច្ចនៅទ្វីបអាស៊ីនិងនៅលើពិភពលោក។
បន្ទាប់មកលោក Shinzo Abe បានជួបជាមួយប្រធានរដ្ឋចិន Xi Jinping។ លោកXi Jinping សង្កត់ធ្ងន់ក្នុងជំនួបនោះថា៖ «ចំណងទាក់ទងដែលចំណុះគ្នាទៅវិញទៅមករវាងប្រទេសទាំងពីរកំពុងក្លាយជាជ្រាលជ្រៅពីមួយថ្ងៃទៅមួយថ្ងៃ ហើយសន្យាថានឹងបង្កើនកិច្ចសហប្រតិបតិ្តការរវាងប្រទេសទាំងពីរ។
គួររំលឹកថា មុននេះព្រោះតែខ្វែងគំនិតគ្នាលើបញ្ហានៅសមុទ្រចិនខាងកើត ទើបប្រទេសទាំងពីរពុំមានទស្សនកិច្ចថ្នាក់ ដឹកនាំកំពូលតាំងពីឆ្នាំ២០១២មកម្ល៉េះ។
ប៉ុន្តែទំនាក់ទំនងចិនជប៉ុន មានសញ្ញាកក់ក្តៅសាជាថ្មី បន្ទាប់ពីប្រទេសទាំងពីរសុទ្ធសឹងប្រឈមមុខសម្ពាធពាំណជ្ជកម្មកាន់តែខ្លាំងឡើងៗពីសំណាក់អាមេរិក៕លីសា
