នេះជាខណៈពេលដ៏សែនរន្ធត់មួយ ដែលមន្ត្រីប៉ូលីសសម្ងាត់ម្នាក់ ត្រូវបានបាញ់ប្រហារដោយគ្នាឯងគួរឲ្យអាសូរ នៅក្នុងហេតុការណ៍ប្រឈមនឹងពួកចោរប្រដាប់អាវុធមួយក្រុម ដែលជិះរថយន្តធ្វើសកម្មភាពប្លន់ធនាគារមួយកន្លែង នៅក្នុងតំបន់ Fernando de la Mora ប្រទេសម៉ិចស៊ីកូ ។
តាមរយៈវីដេអូ ដំឡូងឡើយ ពួកចោរមួយក្រុមស្ថិតក្នុងសម្លៀកបំពាក់ឈុតខ្មៅ ត្រូវបានឃើញរត់ចេញពីកែងផ្លូវមួយ នាំគ្នាចូលក្នុងរថយន្តយ៉ាងប្រញាប់ប្រញាល់ បន្ទាប់ពីធ្វើសកម្មភាពប្លន់រួច ស្ថិតនៅពីមុខរថយន្តប៉ូលីសសម្ងាត់១គ្រឿង ដែលកំពុងរង់ចាំជាស្រេច ។
នៅពេលពួកវាបើករថយន្តចេញទៅ ហើយរថយន្តប៉ូលីសសម្ងាត់ក៏ដេញតាម នៅពេលនោះ រថយន្តរបស់ពួកវាក៏ត្រូវបានកម្លាំងសមត្ថកិច្ចស្ទាក់ពីខាងមុខ បាញ់សំដៅរថយន្តចំនួន២គ្រាប់ ។ នៅពេលក្រុមប៉ូលីសសម្ងាត់ ស្ទុះចេញពីរថយន្តរបស់ពួកគេ ដើម្បីប្រឈមមុខជាមួយក្រុមចោរពីខាងក្រោយ ម្នាក់ក្នុងចំណោមមន្ត្រីសម្ងាត់ ត្រូវបានបាញ់ប្រហារ១គ្រាប់បណ្តាលឲ្យដេកដួលទៅនឹងដីភ្លាមៗតែម្តង ដែលគេសង្ស័យថាជាស្នាដៃរបស់សមត្ថកិច្ចដែលបាញ់ច្រឡំ ។
ប៉ុន្តែ អ្វីដែលយើងគ្រប់គ្នានឹកស្មានពុំដល់នោះ គឺមន្ត្រីរងគ្រោះនោះ ក៏ស្រាប់តែត្រូវមន្ត្រីម្នាក់ដែលជាគ្នាឯង បាញ់ប្រហារ១គ្រាប់ថែមទៀត បណ្តាលឲ្យដេកស្តូកស្តឹងតែម្តង ។
នៅក្នុងហេតុការណ៍ដ៏ស្រពិចស្រពិល មនុស្សមួយមើលឃើញថា មន្ត្រីសម្ងាត់រងគ្រោះនោះ ខណៈដេកដួលទៅនឹង បានទាញកាំភ្លើងចេញពីចង្កេះ ទើបជាហេតុធ្វើឲ្យមន្ត្រីគ្នាឯងបាញ់ការពារខ្លួនតែម្តង ៕
ចុះប្រិយមិត្តវិញ យល់ឃើញចំពោះហេតុការណ៍ដ៏ពុំនឹកស្មាននេះយ៉ាងណាដែរ ?
