ឧទ្ធម្ភាគចក្រAgustaWestland AW169 ដែលមានតម្លៃ ៦,៦លានផោនអង់គ្លេសនេះ ច្រើនត្រូវបានកងកម្លាំងប៉ូលិសនិងផ្នែកសង្គ្រោះប្រើប្រាស់។
តាម Leicester Mercury ក្រុមអ្នកស៊ើបអង្កេតនៅអង់គ្លេសកំពុងស្រាវជ្រាវរកមូលហេតុនៃការផ្ទុះឧទ្ធម្ភាគចក្រនេះរបស់មហាសេដ្ឋីថៃ Vichai Srivaddhanaprabha ដែលបានជួបគ្រោះថ្នាក់នៅយប់ថ្ងៃទី២៧ ខែតុលា បណ្តាលឱ្យលោកVichai និងអ្នករួមដំណើរពីររូប ព្រមទាំងអ្នកបើកបរពីនាក់ស្លាប់។
ឧទ្ធម្ភាគចក្រនេះត្រូវបានផលិត២០គ្រឿង មានម៉ាស៊ីន២ កៅអី១០ ទម្ងន់៤៥០០គីឡូក្រាម ត្រូវបានប្រគល់ឱ្យអតិថិជននៅឆ្នាំ២០១៦។ ប្រភេទឧទ្ធម្ភាគចក្រនេះត្រូវបានប្រើប្រាស់សម្រាប់ដឹកភ្ញៀវ VIP បម្រើឱ្យការរុករក សង្គ្រោះនិងប្រតិបតិ្តការប៉ូលិស។
ប្រការដែលពិបាកយល់នោះ គឺឧទ្ធម្ភាគចក្រនេះមានសុវត្ថិភាពខ្ពស់ មិនធ្លាប់ជួបគ្រោះថ្នាក់តាំងពីពេលនោះមក។
រូប មហាសេដ្ឋីថៃVichai ច្រើនជិះឧទ្ធម្ភាគចក្រចេញពីពហុកីឡដ្ឋានរបស់ក្លិបវិលត្រឡប់ទៅផ្ទះវិញ។
ឧទ្ធម្ភាគចក្រនេះឆ្លើយតបនឹងស្តង់ដារសុវត្ថិភាពរបស់ EASA ឬ FAA របស់អាមេរិក។ អ្នកបើកបរត្រូវបានជំនួយពីបរិក្ខារអេឡិចត្រូនិកទំនើប។
តាមអ្នកជំនាញការខ្លះលើកឡើងថា ឧទ្ធម្ភាគចក្រត្រូវធ្លាក់ ព្រោះតែអ្នកបើកបរមានកាយវិការខុសបច្ចេកទេស បណ្តាលឱ្យកង្ហារកន្ទុយយន្តហោះនោះមិនធ្វើសកម្មភាព។បណ្តាសាក្សីនិយាយថា គេបានឃើញឧទ្ធម្ភាគចក្រនេះបាត់បង់សមត្ថភាពត្រួតពិនិត្យ វិលខ្ញាល់ ធ្លាក់ចុះ រួចផ្ទុះតែម្តង៕សូយន