តាម RT នៅថ្ងៃទី៣០តុលា រដ្ឋមន្ត្រីការពារជាតិអាមេរិក James Mattis ចាត់ទុកថា តួនាទីត្រួតត្រាក្នុងលំហអវកាស គឺជាប្រការស្លាប់រស់សម្រាប់អាមេរិក ហើយមន្ទីរបញ្ចកោណចាំបាច់ត្រូវត្រៀមលកល្ខណៈដាក់ពង្រាយ និងប្រើប្រាស់បណ្តាអាវុធវាយលុកនៅទីនោះ ក្នុងគោលបំណងការពារប្រយោជន៍ជាតិ។
តាមមេដឹកនាំបន្ទីរបញ្ចកោណ ក្រៅពីការប្រែប្រួលយុទ្ធភណ្ឌអាមេរិកក្នុងលំហឱ្យទៅជាអាវុធពិបាកទប់ទល់ ហើយងាយផ្លាស់ប្តូរជាង ទើបគិតគូរដល់សមត្ថភាពនៃការវាយលុក។
រដ្ឋមន្ត្រីការពារជាតិរូបនេះលើកឡើងច្បាស់ថា៖ យើងត្រូវតែត្រៀមបម្រុងប្រើប្រាស់បណ្តាអាវុធវាយលុកក្នុងលំហសម្រាប់ករណីដែលអ្នកណានោះសម្រេចចិត្ត យោធូបនីយកម្ម ហើយចាប់ផ្តើមធ្វើការវាយលុក។ លោកបានប្រៀបធៀបថា «អ្នកមិនគ្រាន់តែលេងល្បែងបង្ការទប់ទល់ ហើយឈ្នះនោះទេ» ហេតុនេះយើងរៀបវាក្នុងលំដាប់ទី២ប៉ុណ្ណោះ។
លោក Mattis អះអាងថា៖ បន្ទាប់ពីបញ្ជារបស់ប្រធានាធិបតី Trump ស្តីពីការបង្កើតកងកម្លាំងយោធាអវកាសអាមេរិក ពុំមែនបង្កើតក្បាលម៉ាស៊ីននាម៉ឺននិយមថ្មីនៅមន្ទីរបញ្ចកោណទេ តែវាសំដៅបង្កើតសមត្ថភាពប្រយុទ្ធពិតប្រាកដ ទុកសម្រាប់ចូលរួមធ្វើសង្គ្រាមក្នុងអវកាស ប្រសិនបើចាំបាច់នោះ។
ប្រធានាធិបតីTrump ធ្លាប់បានប្រកាសថា អាមេរិកពុំមានជម្រើសណាផ្សេងឡើយក្រៅពីការបង្កើតកងកម្លាំងអវកាស ព្រោះថាមហាអំណាចផ្សេងទៀតបានយោធូបនីយកម្ម៕សូយន
