Friday, July 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អស់​ពី​ព័ត៌មាន​ថា MH 370 ធ្លាក់​នៅ​តំបន់​ឱ​រ៉ាល់ ស្រុក​ខ្មែរ ឥឡូវ​មាន “​អ្នកជំនាញការ​” ថា យន្តហោះ​នេះ​ត្រូវ​គេ​ប្លន់​យកទៅ​…!

spot_img

​អ្នកបើកបរ​យន្តហោះ​ជើងចាស់ Jeff Wise មុន​នេះ​ធ្លាប់បាន ប្រកាស​យ៉ាង​ឱឡារិក​ថា ៖ បំណែក​យន្តហោះ MH 370 ដែល​គេ​ស្រង់​បាន​មុននេះ គឺជា​វត្ថុ​ក្លែងបន្លំ បំណង​បិទបាំង​រឿង​យន្តហោះ​ដែល​ផ្ទុក​មនុស្ស ២៣៩​នាក់ ហើយ​បាន​បាត់ស្រមោល​នោះ គឺ​ត្រូវ​ចោរ​អាកាស​ប្លន់​យក​នៅ Kazakhstan កាលពី​ឆ្នាំ ២០១៤ ។​

​បំណែក​ដែលថា​ជា​របស់ MH 370 ត្រូវបាន​រកឃើញ​គឺជា​របស់​ក្លែងបន្លំ ?

Jeff ប្រាប់ Daily Star Online ថា បំណែក​មួយចំនួន​ត្រូវបាន​អះអាងថា ជា​របស់ MH 370 ហើយ​អណ្តែត​ទើលើ​ឆ្នេរ​សមុទ្រ​នោះ ត្រូវបាន​គេ​ក្លែងបន្លំ ព្រោះ​ពិនិត្យ​លើ​សភាវៈ ដែល​តោង​ជាប់​វា​នោះ មាន​តិចតួច មិន​សមស្រប​នឹង​ខណៈពេល​ដែល​វា ត្រូវបាន​គេ​ថា “​រងគ្រោះ​” ។​

Jeff វាយតម្លៃថា ៖ “​បំណែក​ដែល​គេ​អះអាង​នោះ វា​បាន​រសាត់​ប៉ែល​ប៉ោល ក្នុង​សមុទ្រ​ប្រមាណ ២​ឆ្នាំ ។ តែ​សភាវៈ​សមុទ្រ ដែល​តោង​ជាប់​វា​នោះ ហាក់ដូចជា​មាន​អាយុ​ទើប​ប្រហែល​១​ខែ​ប៉ុណ្ណោះ ។ បញ្ហា​នេះ​ត្រូវបាន​កត់ត្រា​ក្នុង​របាយការណ៍​ចុងក្រោយ (​មុន​បិទ​ករណី​) របស់​ម៉ាឡេស៊ី ទាក់ទង​ដល់​ការស៊ើបអង្កេត MH 370 ។ ប្រការ​នេះ​បញ្ជាក់ថា វា​ជា​បំណែក​ក្លែងក្លាយ​” ។​

សភាវៈ​សមុទ្រ​ដែល​តោង​ច្បាម​បំណែក​ត្រូវបាន​គេ​អះអាងថា វា​ជា​របស់ MH 370 “​បកអាក្រាត​” ថា នេះ​ជា “​វត្ថុតាង​ក្លែងបន្លំ​” ។​

​លោក Jeff ពោល​បន្ត ៖ “​ខ្ញុំ​គិតថា ប្រសិនបើ (​បំណែក​) វា​អណ្តែត​យូរ​លើ​សមុទ្រ នោះ​នឹង​មាន​ពពួក​តោង​ច្បាម​រស់នៅ​ច្រើន​ជាប់​នេះ ។ ប៉ុន្តែ​បំណែក​ទាំងនេះ​ហាក់​មាន “​បញ្ហា​អាថ៌កំបាំង​” អ្វី​មួយ​ហើយ ។​

​លោក Jeff ដែល​ជា​ពី​ឡុត​ជើង​ចាស់​នៅ​បន្ត​រក្សា​គំនិត​ដើម​របស់​ខ្លួន​គឺ ៖ MH 370 ត្រូវបាន “​ចោរ​អាកាស​” ប្លន់​យក​ទៅ​… ៕ ចន្ទ្រា​

spot_img
×