Yearly Archives: 2020
អភិបាលរាជធានី ឧបត្ថម្ភថវិកា៤លានរៀល ដល់ពីរនាក់ម្តាយនិងកូនប្រុស រងគ្រោះដោយរលំអគារនៅខេត្តកែប
ភ្នំពេញ៖ រដ្ឋបាលរាជធានីភ្នំពេញ បានប្រកាសព័ត៌មានថា នាព្រឹកថ្ងៃសៅរ៍ ទី៤ ខែមករា ឆ្នាំ២០២០នេះ លោក ងី មានហេង ប្រធានមន្ទីរសុខាភិបាលរាជធានីភ្នំពេញ តំណាងលោក ឃួង ស្រេង អភិបាលនៃគណៈអភិបាលរាជធានីភ្នំពេញ បានចុះសួរសុខទុក្ខជនរងគ្រោះពីរនាក់ម្ដាយនិងកូន កំពុងតែសម្រាកព្យាបាលនៅមន្ទីរពេទ្យព្រះកុសុមៈ (ពេទ្យលោកសង្ឃ) ដែលរងគ្រោះថ្នាក់ ដោយការបាក់រលំអគារធ្វើពីស៊ីម៉ងត៍បេតុងសរសៃដែកកម្ពស់៧ជាន់ នៅខេត្តកែប កាលពីថ្ងៃទី៣ ខែមករា ឆ្នាំ២០២០នេះ...
វិស័យអប់រំផ្នែកឯកជន បាននិងកំពុងជួយច្រើនលើកំណែទម្រង់ របស់ក្រសួង ខណៈដែលសិស្សដែលបានមកសិក្សា សុទ្ធសឹងតែអ្នកមានចំណេះដឹង និងសមត្ថភាព
តាកែវ៖ ថ្លែងក្នុងពិធីចែកវិញ្ញាបនបត្រ និងពានរង្វាន់ ដល់សិស្សដែលជប់ជ័យលីភី លើការប្រកួតប្រជែងថ្នាក់អន្តរជាតិលើកទី ២៤ ដែលមានការចូលរួមពីសិស្សចំនួន ៤៩ប្រទេស របស់ UCMAS នាព្រឹកថ្ងៃទី ៤ ខែមករា ឆ្នាំ២០២០ នេះ លោក ហម និម៉ុន អនុប្រធានមន្ទីរអប់រំយុវជននិងកីឡាខេត្តតាកែវ បានចាត់ទុកវិស័យអប់រំផ្នែកឯកជនបានចូលរួមជួយយ៉ាងសកម្ម លើការជួយជំរុញបន្ថែមលើការសិក្សារបស់សិស្ស ជាពិសេសលើប្រព័ន្ធកម្មវិធីសិក្សាគិតលេខលឿនរហ័ស របស់កម្មវិធីសិក្សា UCMAS...
ចិនស្នើឲ្យមានការបន្ធូរបន្ថយទណ្ឌកម្ម លើកូរ៉េខាងជើង
ឯកអគ្គរដ្ឋទូតចិនប្រចាំអង្គការសហប្រជាជាតិ បានស្នើឲ្យមានការបន្ធូរបន្ថយ ទណ្ឌកម្មអន្តរជាតិ ប្រឆាំងនឹងកូរ៉េខាងជើង។
ឯកអគ្គរដ្ឋទូតចិនលោក Zhang Jun បានថ្លែងកាលពីថ្ងៃសុក្រម្សិលមិញថា សេចក្តីសម្រេចរបស់ចិន និងរុស្សីដែលមានគោលបំណង បន្ថយទណ្ឌកម្មលើកូរ៉េខាងជើង គឺជាជំហានដែលត្រឹមត្រូវ។
ការស្នើសុំឲ្យមានការបន្ថយទណ្ឌកម្មរបស់លោក កើតឡើងក្រោយពេលរបបព្យុងយ៉ាង បានប្រកាសថាខ្លួនលែងអនុវត្តការប្តេជ្ញារបស់ខ្លួនទៀតហើយ។ កូរ៉េខាងជើងមានការទាស់ចិត្ត យ៉ាងខ្លាំងចំពោះទណ្ឌកម្មដែលនៅតែបន្ត អនុវត្តលើខ្លួន បើទោះបីជាខ្លួនបានផ្អាកការបាញ់សាកល្បងនុយក្លេអ៊ែរ និងមីស៊ីលរយៈចំងាយឆ្ងាយក្តី។
ចាប់តាំងពីឆ្នាំ ២០១៧មក កូរ៉េខាងជើងមិនមានការបាញ់សាកល្បងអាវុធនុយក្លេអ៊ែរ ឬមីស៊ីលរយៈចំងាយឆ្ងាញឡើយ។
កិច្ចប្រជុំចំនួន ២កាលពីលើកមុន នៅក្រុមប្រឹក្សាសន្តិសុខអង្គការសហប្រជាជាតិ ស្តីពីសំណើរបស់ចិន...
លោក កឹម សុខាៈ សូមចូលរួមរំលែកទុក្ខ ចំពោះជនរងគ្រោះនិងក្រុមគ្រួសារ ក្នុងហេតុការណ៍បាក់រលំអគារ
ភ្នំពេញ៖ លោក កឹម សុខាៈ "ខ្ញុំសូមចូលរួមរំលែកទុក្ខយ៉ាងក្រៀមក្រំ ចំពោះជនរងគ្រោះនិងក្រុមគ្រួសារដែលបានបាត់បង់ជីវិត និងរងរបួសយ៉ាងអាណោចអាធ័ម ក្នុងហេតុការណ៍បាក់រលំអគារ នៅក្រុងនិងខេត្តកែប នារសៀលថ្ងៃទី៣ ខែមករា ឆ្នាំ២០២០នេះ"។ នេះបើតាមការផ្សព្វផ្សាយនៅលើហ្វេសប៊ុក របស់លោកមុត ចន្ថា ទីប្រឹក្សាលោកកឹម សុខា នៅថ្ងៃទី៤មករា។
ជាមួយគ្នានេះដែរ លោកកឹម សុខា សូមប្រសិទ្ធិពរឧទ្ទិសសូមឲ្យបងប្អូនកម្មករដែលរងរបួសឆាប់បានធូរស្រាលនិងជាសះស្បើយ។
យើងសូមកោតសរសើរចំពោះកិច្ចប្រតិបត្តិការជួយសង្រ្គោះជនរងគ្រោះ ពីសំណាក់អាជ្ញាធរ និងកងកម្លាំងប្រដាប់អាវុធគ្រប់ប្រភេទ។
ទន្ទឹមគ្នានេះដែរ ការស៊ើបអង្កេតហ្មត់ចត់មួយគួរត្រូវបានចាត់ឡើង...
ដូណាល់ ត្រាំថា ការសម្លាប់មេបញ្ជាការកំពូលអ៊ីរ៉ង គឺដើម្បីបញ្ឈប់សង្រ្គាម
ប្រធានាធិបតីអាមេរិច លោកដូណាល់ ត្រាំ បាននិយាយថា អាមេរិចសម្លាប់មេបញ្ជាការកំពូលអ៊ីរ៉ងឈ្មោះ Qasem Soleimani គឺដើម្បីបញ្ឈប់សង្រ្គាម មិនមែនជាការចាប់ផ្តើមសង្រ្គាមនោះទេ។
លោកថ្លែងថា រជ្ជកាលភេរវកម្មរបស់ Qasem Soleimani ត្រូវបានបញ្ចប់ ក្រោយពេលមានការវាយប្រហារតាមដែនអាកាស នៅព្រលានយន្តហោះរដ្ឋធានីបាដាដ ស្ថិតក្នុងប្រទេសអ៊ីរ៉ាក់ កាលពីថ្ងៃសុក្រម្សិលមិញនេះ។ Qasem Soleimani ដឹកនាំប្រតិបត្តិការរបស់អ៊ីរ៉ងនៅមជ្ឈិមបូព៌ា ក្នុងនាមជាប្រមុខកងកម្លាំង Quds។
ជុំវិញការផ្តាច់ជីវិតមេបញ្ជាការកំពូលខ្លួននេះដែរ អ៊ីរ៉ងប្តេជ្ញាចិត្តថានឹងធ្វើការសងសឹកវិញ។
ការសម្លាប់មេដឹកនាំយោធាកំពូលរឹតតែធ្វើឲ្យភាពតានតឹង រវាងប្រទេសទាំងពីរកាន់តែកើនឡើងខ្លាំង។
មន្រ្តីអាមេរិចបាននិយាយថា...
រដ្ឋបាលខេត្តកែប រកឃើញជនរងគ្រោះចំនួន២៣នាក់ ក្នុងនោះស្លាប់៥នាក់
កែប៖ រដ្ឋបាលខេត្តកែប បានបញ្ជាក់ថា រហូតដល់ម៉ោង៥ព្រឹក ថ្ងៃទី៤ ខែមករា ឆ្នាំ២០២០នេះ ក្រុមអ្នកជួយសង្រ្គោះចម្រុះ បានរកឃើញជនរងគ្រោះដែលកប់នៅក្នុងគំនរអគារកម្ពស់៦ជាន់ រលំបាក់នៅខេត្តកែប ចំនួន២៣នាក់ហើយ ដែលក្នុងនោះមានជនរងគ្រោះស្លាប់៥នាក់ ( ស្រី៣នាក់ ) អ្នកនៅរស់រានមានជីវិត១៨នាក់។
មកទល់ពេលនេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា កំពុងស្ថិតនៅជាមួយក្រុមការងារ ដើម្បីបន្តសកម្មភាពជួយសង្គ្រោះ ។...
ឧត្តមសេនីយ៍ឯក ស ថេត ស្នើឱ្យមន្ត្រីនគរបាល និងអាណាព្យាបាល យកចិត្តទុកដាក់ ផ្សព្វផ្សាយអប់រំ ជូនដល់កូនចៅនិង យុវជន ពីផលប៉ះពាល់ គ្រោះថ្នាក់ នៃគ្រឿងញៀន
ភ្នំពេញ ៖លោកស្នងការបញ្ជាក់ថា មិនទុកឲ្យមន្ត្រីណាម្នាក់នៅឯការឡើយ ជាថ្នាក់ដឹកនាំម្នាក់ ដែលតែងតែបារម្ភ គិតគូរ និងយកចិត្តទុកដាក់ ដល់សុខទុក្ខរបស់មន្ត្រីក្រោមឱវាទ។
ថ្លែងក្នុងពិធីសំណេះសំណាល សាកសួរសុខដល់មន្ត្រីនគរបាល ដែលបានបំពេញបែបបទចូលនិវត្តន៍ អញ្ជើញមកពីតាមបណ្តាប៉ុស្តិ៍នគរបាលរដ្ឋបាល និងអធិការដ្ឋាននគរបាលខណ្ឌទាំង១៤ ក្នុងរាជធានីភ្នំពេញ នៅរសៀលថ្ងៃទី៣ ខែមករា ឆ្នាំ២០២០នេះ លោក ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានស្នើឱ្យមន្ត្រីនគរបាលមូលដ្ឋាន និងអាណាព្យបាលលត្រូវយកចិត្តទុកដាក់...
លទ្ធផលសម័យប្រជុំលើកទី៤ព្រឹទ្ធសភា នាថ្ងៃទី៣មករា របៀបវារៈចំនួន ៧ គឺគម្រោងសាងសង់ស្ថានីយផលិតអគ្គិសនី ដើរដោយពន្លឺព្រះអាទិត្យ
ភ្នំពេញ៖ អគ្គលេខាធិការដ្ឋានព្រឹទ្ធសភា ជម្រាបជូនសាធារណជនជ្រាបថា៖ នាព្រឹកថ្ងៃសុក្រ ទី៣ ខែមករា ឆ្នាំ២០២០ វេលាម៉ោង ០៨:០០ នាទី ព្រឹទ្ធសភា នៃព្រះរាជាណាចក្រកម្ពុជា បានបន្តសម័យប្រជុំលើកទី៤ នីតិកាលទី៤ ក្រោមអធិបតីភាពដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា។
សមាជិកព្រឹទ្ធសភាមានវត្តមានចំនួន ៥៨រូប។
អង្គប្រជុំ បានដំណើរការតាមរបៀបវារៈចំនួន ៧រួមមាន៖
របៀបវារៈទី១៖ ពិនិត្យ និងឱ្យយោបល់លើសេចក្តីព្រាងច្បាប់ស្តីពី...
បង្កើតគណៈកម្មការធ្វើកោសល្យវិច័យអគារបាក់រលំអគារ, រកឃើញជនរងគ្រោះចំនួន២៥នាក់ ស្លាប់៧នាក់
កែប៖ ករណីបាក់រលំអគារនៅខេត្តកែប គិតត្រឹមម៉ោង៥ព្រឹក រកឃើញជនរងគ្រោះចំនួន២៥នាក់ ស្លាប់៧នាក់។ ពាក់ព័ន្ធករណីនេះ លោកឧបនាយករដ្ឋមន្ត្រី ជា សុផារ៉ា បានចេញសេចក្ដីសម្រេច ស្ដីពីការបង្កើតគណៈកម្មការធ្វើកោសល្យវិច័យអគាររបស់ឈ្មោះ ឯក សារុន និងប្រពន្ធឈ្មោះ ឈីវ សុធី ដែលបានបាក់រលំនៅថ្ងៃទី៣ ខែធ្នូ ឆ្នាំ២០២០ ស្ថិតនៅភូមិកែប សង្កាត់កែប ក្រុងកែប ខេត្តកែប។
គណៈកម្មការធ្វើកោសល្យវិច័យអគាររលំនៅខេត្តកែប ដែលមានលោកទេព...
ហោរាសាស្ត្រសម្រាប់ថ្ងៃសៅរ៍ ទី ០៤ ខែមករា ឆ្នាំ២០២០
ឆ្នាំជូត
រាសីខ្ពស់ត្រដែត។ ក្នុងថ្ងៃនេះដួងរាសីរបស់លោកអ្នកល្អប្រសើរ ម្ល៉ោះហើយបើចង់សម្រុកការងារអ្វីអាចបានហើយពីព្រោះថាផលល្អៗតែងឆ្លើយតបមកវិញនៅពេលក្រោយផង។ចំណែកអ្នកប្រកបរបររកស៊ីជួញដូរវិញបើលោកអ្នកមានគម្រោងឬចង់ធ្វើអ្វីមួយគួររួសរាន់ព្រោះផ្លែផ្កាដែលទទួលបានមកវិញគួរជាទីកក់ក្តៅគ្រាន់បើ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯបញ្ហាសម្ព័ន្ធស្នេហាកំលោះក្រមុំមានការយល់ចិត្តគ្នាល្អ ម្ល៉ោះហើយជាឱកាសល្អក្នុងការដោះស្រាយជម្លោះវិវាទផង៕
ឆ្នាំឆ្លូវ
រាសីល្អជាមធ្យម។ នៅក្នុងថ្ងៃនេះដំណើរជីវិតរបស់លោកអ្នកមិនសូវសុខស្រួលខ្លួនប៉ុន្មានទេគឺតែងមានរឿងរ៉ាវប្រទាំងប្រទើសនិងក្រុមមនុស្សបៀតបៀនយាយីច្រើន។លោកអ្នកមានការខ្វាយខ្វល់ហើយទោះធ្វើអ្វីៗការទើសមុខទើសមាត់ឥតឈប់ឈរទៀតផង។អ្នកប្រកបរបររកស៊ីជួញដូរក្នុងរយះពេលនេះមុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនសឹមអនុវត្តជាក្រោយទើបអាចទទូលផលសម្រេចល្អ។
បញ្ហាសេចក្តីស្នេហាប្រុសស្រីមិនត្រូវប្រកាន់ចិត្តឆេវឆាវដោយពុំយកហេតុផលដាក់ខ្លួនប្រយ័ត្នកើតរឿងឈានដល់ការបែកបាក់៕
ឆ្នាំខាល
រាសីស្រុតចុះ។ នៅថ្ងៃនេះបើទោះបីធ្វើអ្វីក៏ដោយតោងតែមានចិត្តត្រជាក់និងមិនត្រូវឱ្យមានការទទួលរងផលប៉ះទង្គិចច្រើនឡើយពីព្រោះថានាំកើតតែរឿងលំបាកនៅថ្ងៃខាងមុខប៉ុណ្ណោះ។អ្នកប្រកបរបររកស៊ីជួញដូរលោកអ្នកត្រូវរក្សាភាពស្ងប់ស្ងាត់ហើយយកភាពខន្តីដាក់ក្នុងខ្លួនទើបគ្មានបញ្ហាអាក្រក់ណាមួយកើតឡើង។ការធ្វើដំណើរឆ្ងាយជិតមិនសូវមានសុវត្តិភាពទេគឺតែងមានបញ្ហាយាយីច្រើនដូច្នេះគប្បីប្រយ័ត្នបញ្ហាចរាចរបន្តិច។
រីឯសេចក្តីស្នេហាកំលោះក្រមុំមានការរកាំចិត្តព្រោះតែម្នាក់ៗចង់ចាញ់ឈ្នះគ្នាមិនតិចនោះឡើយ៕
ឆ្នាំថោះ
រាសីល្អជាមធ្យម។ នៅថ្ងៃនេះយីអ៊ុនរបស់លោកអ្នកជួបភាពល្អប្រសើរគួរសម ម្ល៉ោះហើយលោកអ្នកអាចប្រកបការងារមានការចម្រើនទៅមុខជាសន្សឹមៗជានិច្ច។សម្រាប់អ្នកប្រកបរបររកស៊ីជួញដូរការចេញធ្វើជំនួញទីជិតឆ្ងាយមិនសូវជោគជ័យដូចបំណងប៉ុន្មានទេឬអាចនិយាយបានថាគ្រាន់មួយទប់ទល់។ក្នុងរង្វង់គ្រួសារចូរប្រយ័ត្នអ្នកក្រៅចាក់ដោតនាំកើតជម្លោះវិវាទ។
បញ្ហាគូគ្រងប្តីប្រពន្ធឬគូស្នេហ៍ប្រុសស្រីមានការចង់ចាញ់ឈ្នះនិងងាយមានជម្លោះវិវាទណាស់គួរមានការប្រយ័ត្នប្រយែងពាក្យសម្តីបន្តិចទើបចៀសផុតពីជម្លោះវិវាទទៅរួច៕
ឆ្នាំរោង
រាសីខ្ពស់ត្រដែត។ នៅថ្ងៃនេះលោកអ្នកអាចសម្រុកការងារពេញទីហើយពីព្រោះថាផលជាផ្លែផ្កាតែងហុចមកវិញជានិច្ច។លោកអ្នកអាចមានក្រុមមនុស្សជួយជ្រោមជ្រែងឱ្យរួចចាកផុតពីគ្រាលំបាកទៀតផង។ចំពោះអ្នកប្រកបរបររកស៊ីជួញដូរក្នុងថ្ងៃនេះវិញមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំ។ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តដូចសព្វមួយដង។
រីឯបញ្ហាស្នេហាប្រុសស្រីមានភាពយកចិត្តទុកដាក់និងផ្អែមល្ហែមចំពោះគ្នាប្រពៃ៕
ឆ្នាំម្សាញ់
រាសីខ្ពស់ត្រដែត។ ក្នុងថ្ងៃនេះមានជោគសិរីដូច្នេះជាឱកាសល្អក្នុងការចាប់កាន់កិច្ចការអ្វីមួយព្រោះតែងហុចផ្លែផ្កាគួរជាទីគាប់ចិត្តផងដែរ។អ្នកប្រកបរបររកស៊ីជួញដូរវិញទោះជួញទីជិតឆ្ងាយការរកផលចំណូលមិនមានអ្វីលេចធ្លោទេគឺដូចសព្វមួយដង។ចំពោះអ្នកប្រកបការងាររាជការឬក្រុមហ៊ុនឯកជនបើលោកអ្នកមានគម្រោងឬចង់ធ្វើអ្វីមួយគួររួសរាន់ធ្វើព្រោះផ្លែផ្កាដែលទទួលបានមកវិញគួរជាទីកក់ក្តៅគ្រាន់បើ ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
រីឯបញ្ហាស្នេហាប្រុសស្រីមានភាពស្រស់ស្រាយនិងផ្អែមល្ហែមប្រពៃ៕
ឆ្នាំមមី
រាសីល្អជាមធ្យម។ ក្នុងថ្ងៃនេះលោកអ្នកទោះធ្វើអ្វីៗមិនអាចលោភលន់បានទេ ពីព្រោះងាយខកបំណងនិងជួបផលលំបាកតូចធំណាស់ផងដែរ។ចំពោះការរស់នៅក្នុងផ្ទះសម្បែងងាយផ្ទុះជម្លោះវិវាទណាស់គប្បីមានការខន្តីនិងបើកចិត្តឱ្យទូលាយទើបភាពសុខដុមកើតមានទៅរួច។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើនដូច្នេះគួរមានការប្រយ័ត្នប្រយែង។
សេចក្តីស្នេហាប្រុសស្រីកុំគប្បីមើលផ្លូវអាក្រក់ចំពោះគ្នាំប្រយត្នកើតជាទម្លាប់អាក្រក់គ្មាននរណារស់នៅក្បែរកើត៕
ឆ្នាំមមែ
រាសីល្អជាមធ្យម។ នៅថ្ងៃនេះការប្រកបការងារឃើញថាមានការចម្រើនលូតលាស់និងមានជោគមានជ័យច្រើនត្រឡប់មកវិញ។អ្នកប្រកបរបររកស៊ីជួញដូរក្នុងថ្ងៃនេះវិញលោកអ្នកមិនគប្បីមានចិត្តឆាប់ប្រកែប្រកាន់ឬចិត្តច្រណែនឈ្នានីសលោភលន់ឡើយប្រយ័ត្នឥតការអ្វីសោះយករឿងរាវក្តៅក្រហាយដាក់ខ្លួន។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការជឿនលឿនទៅមុខតិចតួចណាស់ហើយមានភាពរកាំចិត្តគ្នាច្រើនទៀតផង៕
ឆ្នាំវក
រាសីខ្ពស់ត្រដែត។ នៅថ្ងៃនេះមានជោគសិរីគួរសម ហើយធ្វើអ្វីក៏តែងផ្តល់ជាផ្លែផ្កាគ្រាន់ជាទីកក់ក្តៅជានិច្ច។ អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញគ្រាន់ត្រជាក់ចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
រីឯបញ្ហាស្នេហាប្រុសស្រីមានភាពផ្អែមល្ហែមនិងស្រស់ស្រាយចំពោះគ្នាប្រពៃណាស់៕
ឆ្នាំរកា
រាសីល្អជាមធ្យម។ ក្នុងថ្ងៃនេះដួងរាសីរបស់លោកអ្នកល្អជាមធ្យមដូចនេះបើចង់ធ្វើអ្វីក៏តែងមានការចម្រើនលូតលាស់ទៅមុខជាសន្សឹមៗជានិច្ច។ក្រៅពីនេះបញ្ហាដែលស្មុគស្មាញនិងឧបសគ្គនានាក៏បានធូរស្រាលជាងមុនវិញផងដែរ។ចំពោះអ្នកប្រកបរបររកស៊ីជួញដូរលោកអ្នកតោងមានការរវាសរវៃញាប់ដៃញាប់ជើងហើយស្វះស្វែងរកអតិថិជនបន្តិច ទើបហុចផ្លែផ្កាគួរជាទីពេញចិត្តមកវិញ។
រីឯបញ្ហាសេចក្តីស្នេហាកំលោះក្រមុំកុំគប្បីចង់ទុំមុនស្រគាលប្រយ័ត្នកើតរឿងធំនាគ្រាខាងមុខហើយត្រូវមកដេកសោកស្តាយក្រោយ៕
ឆ្នាំច
រាសីល្អជាមធ្យម។ ដំណើរជីវិតរបស់លោកអ្នកនៅថ្ងៃនេះជួបបញ្ហាដុនដាបចុះច្រើនបន្តិចដូចនេះទោះធ្វើអ្វីមិនអាចលោភលន់បានឡើយពីព្រោះថាងាយបាត់បង់និងខកបំណងណាស់ដែរ។សម្រាប់អ្នកប្រកបរបររកស៊ីជួញដូរបើលោកអ្នកចង់ជួញធំដុំមិនសូវកាក់កបប៉ុន្មានទេពិសេសប្រយ័ត្នជួបគ្រោះចាញ់បោកគេឬការបណ្តាក់ទុនហើយមិនហុចផលអ្វីមកវិញ។ក្រៅពីនេះលោកអ្នកទោះធ្វើអ្វីៗក៏ដោយត្រូវចេះប៉ាន់ប្រមាណហើយពុំត្រូវលោភលន់ដែរបើមិនដូច្នេះនឹងជួបរឿងសោកការជាក់ជាពុំខាន។
រីឯសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការចាប់កំហុសព្រោះតែភាពចង់ឈ្នះគ្នាមានច្រើននាពេលនេះ៕
ឆ្នាំកុរ
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកឃើញថាមិនល្អប្រសើរទេពីព្រោះថាធ្វើអ្វីក៏តែងទទួលរងផលប៉ះទង្គិចដែលមិនសុខស្រួលខ្លួនប៉ុន្មានឡើយ។ចំពោះបុរសត្រូវមានចិត្តត្រជាក់ហើយធ្វើមិនដឹងមិនឮចំពោះបញ្ហាខ្លះទើបប្រសើរ។ទាំងស្ត្រីបុរសលោកអ្នកត្រូវរក្សាភាពស្ងប់ស្ងាត់ហើយចេះពិនិត្យសភាពការណ៍ឱ្យបានស្រួលបួលពីព្រោះអាចមានក្រុមមនុស្សបាបមិត្តចង់វាយប្រហារទៀតផង។ចំពោះអ្នកប្រកបរបររកស៊ីជួញដូរជួបផលលំបាកក្នុងការរកផលចំណូលហើយទាល់តែខិតខំខ្លាំងទើបអាចរកផលកម្រៃគ្រាន់ជាទីកក់ក្តៅទៅរួច។
បញ្ហាសេចក្តីស្នេហាប្រុសស្រីមានភាពតែលតោលនិងមានការខ្វាយខ្វល់ពីជីវិតអនាគតរបស់ខ្លួនរាប់រយជំពូក៕
- Advertisment -