Yearly Archives: 2020
បើកឆាកឆ្នាំ២០២០ភ្លាម ប្តីអភ័ព្វ តាមទាន់ប្រពន្ធ នាំប្រុសសហាយចូលផ្ទះសណាក់ ទាំងព្រឹកនៅក្រុងប៉ោយប៉ែត
បន្ទាយមានជ័យ៖ ស្នេហាត្រីកោណនៅផ្ទះសំណាក់មួយ ក្នុងក្រុងប៉ោយប៉ែត បង្កឲ្យមានការផ្អើលគេទាំងព្រឹក ដោយសារប្តីអភ័ព្វ បានតាមទាន់ប្រពន្ធរបស់ខ្លួននាំប្រុសសហាយចូលផ្ទះសណាក់ ធ្វើឲ្យបុរសជាប្តីមានកំហឹងយ៉ាងខ្លាំង ដេញវាយប្រុសសហាយរត់បាតជើងសព្រាត។
យោងតាមផេកហ្វេសប៊ុក សារព័ត៌មានទស្សនៈមហាជន Page បានបង្ហោះវីដេអូនិងរូបភាព នៅថ្ងៃទី១ ខែមករា ឆ្នាំ២០២០ ថា ស្នេហាត្រីកោណនៅផ្ទះសំណាក់ ផ្អើលគេទាំងព្រឹក ថ្ងៃទី១ មករា ២០២០ ប្រពន្ធនាំ សហាយចូលផ្ទះសណាក់ យីហោសេះមាស មួយកន្លែងនៅខាងជើងផ្លូវជាតិលេខ៥...
អាវុធហត្ថរាជធានីភ្នំពេញ បង្រ្កាបបានមុខសញ្ញាប្រើប្រាស់អាវុធខុសច្បាប់ និងចែកចាយគ្រឿងញៀន ដ៏សកម្មចំនួន៣នាក់
ភ្នំពេញ៖ មុខសញ្ញាប្រើប្រាស់អាវុធខុសច្បាប់ និងចែកចាយគ្រឿងញៀនដ៏សកម្មចំនួន៣នាក់ ត្រូវបានកម្លាំងមូលដ្ឋានអាវុធហត្ថខណ្ឌពោធិ៍សែនជ័យបង្ក្រាបបាន។
ហេតុការណ៍នេះបានកើតឡើងកាលពីវេលាម៉ោង 14និង10នាទី ថ្ងៃទី30 ខែធ្នូ ឆ្នាំ2019 នៅចំណុចបន្ទប់ជួលេខ19 ស្ថិតក្នុងភូមិត្រពាំងថ្លឹង3 សង្កាត់ចោមចៅ1 ខណ្ឌពោធិ៍សែនជ័យ ដោយដកហូតវត្ថុតាង អាវុធខ្លីមួយដើមម៉ាក BERETTA លេខគ្មាន(ឈូសចោល) គ្រាប់ចំនួន34គ្រាប់ បង់01, ក្រាមសថ្លាចំនួន09កញ្ចប់ (ធំ2 តូច7), កាំបិតចំនួន02ដើម, អាយកូមចំនួន01 ព្រមទាំងសម្ភារៈសម្រាប់សេពគ្រឿងញៀនមួយចំនួនទៀត។
មុននឹងឈានដល់ការឃាត់ខ្លួនជនសង្ស័យខាងលើ...
ប្រភេទកីឡាចំនួន៩ ត្រូវបានរៀបចំឲ្យសម្តែងអបអរបុណ្យឆ្លងឆ្នាំសកល ២០២០ នៅពហុកីឡដ្ឋានជាតិមរតកតេជោ
ភ្នំពេញ៖ ប្រភេទកីឡាចំនួន៩ត្រូវបានរៀបចំឲ្យការសម្តែង បង្ហាញជូនសាធារណជន កាលពីយប់មិញ (៣១ធ្នូ) នៅពហុកីឡដ្ឋានជាតិមរតកតេជោ ដើម្បីចូលរួមអបអរសាទរបុណ្យឆ្លងឆ្នាំសកល ២០២០ យ៉ាងអធិកអម ក្រោមវត្តមានលោក ថោង ខុន ជារដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា។
លោក វ៉ាត់ ចំរើន រដ្ឋលេខាធិការ ក្រសួងទេសចរណ៍ និងជាអគ្គលេខាធិការ គណៈកម្មាធិការជាតិអូឡាំពិកកម្ពុជា មានប្រសាសន៍ថា ប្រភេទកីឡាដែលបានដាក់ឲ្យសម្តែងអបអរនេះ មានដូចជាកីឡារាំ គុនល្បុក្កតោ...
សួស្តីឆ្នាំថ្មី ២០២០
ភ្នំពេញ៖ សម្តេចតេជោ នាយករដ្ឋមន្រ្តី នៅព្រឹកថ្ងៃទី១ ខែមករា ឆ្នាំ២០២០នេះ បានសរសេរសារលើហ្វេសប៊ុកថា បងប្អូនប្រជាពលរដ្ឋ និងកូនក្មួយនៅទូទាំងប្រទេស បានចូលរួមឆ្លងឆ្នាំចាស់ផ្លាស់ចូលឆ្នាំសកលថ្មី២០២០ កាលពីយប់មិញ ក្នុងបរិយាកាសសប្បាយរីករាយក្រៃលែង ទាំងនៅក្នុងនិងក្រៅប្រទេស។ ឱកាសនៃការចូលរួមអបអរសាទរ និងកម្សាន្តសប្បាយ នៅក្នុងពិធីបុណ្យតូចធំទាំងអស់នេះ បានគឺដោយសារប្រទេសជាតិយើងមានសុខសន្តិភាព។ គ្មានសន្តិភាព គឺគ្មានអ្វីៗទាំងអស់។
អរគុណបងប្អូនជនរួមជាតិ និងកូនក្មួយដែលបានចូលរួមថែរក្សា ការពារសន្តិភាពនៅក្នុងប្រទេសជាតិយើង។
សូមជូនពរបងប្អូនជនរួមជាតិនិងកូនក្មួយ ជាទីស្រឡាញ់ទាំងអស់នៅក្នុងឆ្នាំថ្មី ២០២០នេះជួបតែសេចក្តីសុខ សេចក្តីចម្រើនសំណាងល្អ...
អាមេរិចបញ្ជូនទ័ពបន្ថែមទៅអ៊ីរ៉ាក់ ក្រោយពេលមានការវាយប្រហារស្ថានទូតរបស់ខ្លួន
សហរដ្ឋអាមេរិចបាននិយាយនៅថ្ងៃអង្គារម្សិលមិញថា ខ្លួនកំពុងបញ្ជូនទ័ពរាប់រយនាក់បន្ថែមទៀតទៅកាន់មជ្ឈិមបូព៌ា ក្រោយពេលក្រុមអ្នកតវ៉ាដែលគាំទ្រអ៊ីរ៉ង បានធ្វើការសម្រុកទៅកាន់ស្ថានទូតរបស់ខ្លួនក្នុងប្រទេសអ៊ីរ៉ាក់ ហើយក្រុមបាតុករបានដុតភ្លើង និងស្រែកថាប្រទេចផ្តាសសារឲ្យអាមេរិចវិនាស។
ការវាយប្រហារស្ថានទូតអាមេរិចដោយវ៉ូងអ្នកគាំទ្រអ៊ីរ៉ង បានកើតឡើង ក្រោយពេលអាមេរិច បានវាយប្រហារតាមដែនអាកាស ទៅលើមូលដ្ឋានរបស់ក្រុមកងកម្លាំងឈ្លប ដែលគាំទ្រដោយអ៊ីរ៉ង បណ្តាលឲ្យក្រុមនេះស្លាប់យ៉ាងតិច ២៥នាក់ និងរបួសជាង ៥០នាក់។ អាមេរិចចាត់ទុកក្រុមនោះជាក្រុមភេរវករ។
រដ្ឋមន្រ្តីការបរទេសអាមេរិច លោក Mike Pompeo បាននិយាយថា ការវាយប្រហារបានរៀបចំឡើងដោយក្រុមភេរវករ ដែលក្នុងចំណោមនោះមានម្នាក់ត្រូវបានលោកស្គាល់ឈ្មោះថា Abu Mahdi...
ក្រសួងឧស្សាហកម្ម និងសមាគមអ្នកផ្គត់ផ្គង់ទឹកស្អាត ពង្រឹងកិច្ចសហប្រតិបត្តិការ ឲ្យកាន់តែខ្លាំងក្លាថែមទៀត សម្រាប់ពន្លឿនវិស័យទឹកស្អាតនៅកម្ពុជា
ភ្នំពេញ៖ រដ្ឋមន្ត្រីក្រសួងឧស្សាហកម្មនិងសិប្បកម្ម បានអះអាងថា ទាំងក្រសួង និងសមាគមអ្នកផ្គត់ផ្គង់ទឹកស្អាត ចាប់ពីពេលនេះតទៅ ត្រូវពង្រឹងកិច្ចសហប្រតិបត្តិការឲ្យកាន់តែខ្លាំងក្លាថែមទៀត ដោយត្រូវពិនិត្យឡើងវិញនូវក្រុមហ៊ុនជាប្រតិបត្តករទឹកស្អាតឯកជន ដែលទទួលអជ្ញាប័ណ្ណពីក្រសួងហើយនោះ តើបានចូលជាសមាគមអ្នកផ្គត់ផ្គង់ទឹកស្អាតហើយរឺនៅ? និងបានអនុវត្តតាមផែនការដែលបានកំណត់ត្រឹមត្រូវក្នុងអាជ្ញាប័ណ្ណដែរឬទេ?។
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្មនិងសិប្បកម្ម ជំរុញឲ្យសមាគមអ្នកផ្គត់ផ្គង់ទឹកស្អាតកម្ពុជា បន្តសកម្មភាពការងាររបស់ខ្លួនកាន់តែខ្លាំងក្លាឡើង ជាមួយក្រសួង សម្រាប់ពន្លឿនវិស័យទឹកស្អាតនៅកម្ពុជា។
ក្នុងឱកាសចូលជួបពិភាក្សាការងារ និងគោរពជូនពរនាឱកាសឆ្នាំថ្មី ឆ្នាំសកល ២០២០ ពីសំណាក់ប្រតិភូសមាគមអ្នកផ្គត់ផ្គង់ទឹកស្អាតកម្ពុជា លោកកិត្តិសេដ្ឋាបណ្ឌិត ចម...
គ្រោះថ្នាក់ចរាចរណ៍ដ៏រន្ធត់ ជិតឆ្លងឆ្នាំសកល ២០២០ ស្លាប់ ៨ នាក់ របួសធ្ងន់ ៩នាក់
កំពង់ស្ពឺ៖ ករណីគ្រោះថ្នាក់ចរាចរណ៍ដ៏រន្ធត់លើកំណាត់ផ្លូវជាតិលេខ៤១ ចន្លោះគីឡូម៉ែត្រ ២៧-២៨ ស្ថិតនៅចំណុចភូមិអណ្ដូងច្រុះ ឃុំស្នំក្រពើរ ស្រុកគងពិសី ខេត្តកំពង់ស្ពឺ កាលពីវេលាម៉ោង១១និង៤២នាទី នាថៃ្ងទី៣១ ខែធ្នូ ឆ្នាំ២០១៩ ជិតឆ្លងឆ្នាំសកល ២០២០ ស្លាប់ ៨ នាក់ របួសធ្ងន់ ៩នាក់ ។
ករណីគ្រោះថ្នាក់ចរាចរណ៍បង្កឡើងដោយរថយន្តទេសចរណ៍ ប្រភេទសាំយ៉ុង ផ្លាកលេខភ្នំពេញ 2AF-2506 អ្នកបើកបរ...
ស្លាប់ម្នាក់របួសធ្ងន់៣នាក់ដោយសារគ្រោះថ្នាក់ចរាចរណ៍នៅស្រុកចន្ទ្រា
ខេត្តស្វាយរៀងៈ ក្មេងប្រុសជាសិស្សសាលាម្នាក់បានស្លាប់និង៣នាក់ទៀតបានរងរបួសធ្ងន់នៅក្នុងករណីគ្រោះថ្នាក់ចរាចរណ៍មួយដែលបង្កឡើងដោយជិះម៉ូតូដួលខ្លួនឯងដែលហេតុការណ៍ខាងលើនេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី៣១ខែធ្នូឆ្នាំ២០១៩ នៅត្រង់ចំណុចផ្លូវកោងស្ថិតនៅភូមិត្រពាំងបុណ្យ ឃុំព្រៃគគីរ ស្រុកចន្ទ្រា ខេត្តស្វាយរៀង ។
សមត្ថកិច្ចបានឱ្យដឹងថាៈជនរងគ្រោះមានដូចខាងក្រោម ៖
១.ឈ្មោះ កុង សីយ៉ា ភេទប្រុសអាយុ១៣ឆ្នាំ មុខរបរ សិស្ស ជនជាតិខ្មែរ រស់នៅភូមិព្រៃភ្នៀត ឃុំសំឡី ស្រុកកំពងរោទិ៍ខេត្តស្វាយរៀង. (បណ្តាលឱ្យស្លាប់)
២. ឈ្មោះទុន បូរិន ភេទប្រុស អាយុ ១៤ ឆ្នាំ...
ហោរាសាស្ត្រសម្រាប់ថ្ងៃពុធ ទី 01 ខែមករា ឆ្នាំ ២០២០
ឆ្នាំជូត
រាសីស្រុតចុះ។នៅថ្ងៃនេះលោកអ្នកធ្វើអ្វីឬបើករថយន្តអ្វីមួយតោងតែប្រយ័ត្នប្រយែងពីព្រោះថាផលអាក្រក់ងាយកើតឡើងណាស់។ក្រៅពីនេះលោកអ្នកអាចបានស្តាប់រឿងមិនសប្បាយចិត្តថែមទៀត។អ្នកប្រកបរបររកស៊ីជួញដូរបើចង់ចំណាយប្រាក់កាសដាក់ទុនលើអ្វីមួយត្រូវគិតគូរឱ្យច្បាស់លាស់ចៀសវាងដាក់ទុនទៅហើយត្រូវកប់បាត់អស់ហើយត្រូវទៅខ្ចីអ្នកដទៃនាំគេប្រមាថ។ការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុយាយីបន្តិច។
រីឯគូស្នេហាកំលោះក្រមុំឬពោះម៉ាយមេម៉ាយក្តីក្នុងពេលនេះពុំគប្បីដើរហើរពាសវាលកាលប្រយ័ត្នជួបរឿងរាវអាក្រក់ហើយរែកពន់ភាពទុក្ខសោកមកវិញ៕
ឆ្នាំឆ្លូវ
រាសីល្អជាមធ្យម។នៅថ្ងៃនេះលោកអ្នក មានគ្រោះចូលយាយីបន្តិចបន្តួចដូចនេះគប្បីមានការប្រយ័ត្នប្រយែងទើបប្រសើរ។អ្នកប្រកបរបររកស៊ីជួញដូរក្នុងថ្ងៃនេះវិញបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
រីឯបញ្ហាសេចក្តីស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំខាល
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកដោះស្រាយបញ្ហាដែលកើតឡើងពីការយល់ខុសអ្វីមួយពីព្រោះថាតែងផ្តល់ផលល្អមកវិញជានិច្ច។ចំពោះអ្នកប្រកបរបររកស៊ីជួញដូរពេលនេះប្រៀបដូចបានជា”ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ការធ្វើដំណើរទីជិតឆ្ងាយមានតែក្រុមមនុស្សស្វាគមន៍រាក់ទាក់និងជួយជ្រោមជ្រែង។
រីឯបញ្ហាសេចក្តីស្នេហាកំលោះក្រមុំមានការលូតលាស់ទៅមុខនិងផ្អែមល្ហែមប្រពៃ៕
ឆ្នាំថោះ
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកផ្តល់ផលល្អសម្រាប់ទំនាក់ទំនងការងារឬចាត់ចែងការងារអ្វីមួយផង។ចំណែកអ្នកប្រកបរបររកស៊ីជួញដូរមិនថាផ្លូវទឹកផ្លូវគោឬផ្លូវអាកាសតែងអាចប្រមូលភោគផលត្រឡប់ចូលផ្ទះវិញគួរជាទីកក់ក្តៅ។ការធ្វើដំណើទីជិតឆ្ងាយមានតែភាពសុខដុមទាំងពេលទៅនិងត្រឡប់មកវិញ។
រីឯបញ្ហាសេចក្តីស្នេហាប្រុសស្រីមានការស្រុះស្រួលនិងមានភាពស្រស់ស្រាយប្រពៃ ៕
ឆ្នាំរោង
រាសីស្រុតចុះ។នៅថ្ងៃនេះលោកអ្នកធ្វើអ្វីក៏តែងមិនឆ្លើយតបផ្លែផ្កាប៉ុន្មានទេ ហើយពិសេសងាយកើតបញ្ហានៅពេលក្រោយថែមទៀត។ អ្នកប្រកបរបររកស៊ីជួញដូរវិញបើចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយ បើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
រីឯសម្ព័ន្ធស្នេហាកំលោះក្រមុំមិនសូវមានការលូតលាស់ទៅមុខ ហើយពិសេសងាយកើតជម្លោះវិវាទថែមទៀតដោយសារតែការមិនសូវចេះអត់ឱនឱ្យគ្នាឡើយ៕
ឆ្នាំម្សាញ់
រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកជួបភាពស្រស់ស្រាយគួរសម ហើយបើទោះបីធ្វើអ្វីក៏ដោយតែងមានការរីកលូតលាស់សន្សឹមៗទៅមុខឥតមានថយក្រោយឡើយ។សម្រាប់អ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់ហើយការលក់ដូរពេញដៃពេញជើងឡើងវិញ។
រីឯសម្ព័ន្ធស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមី
រាសីខ្ពស់ត្រដែត។នៅថ្ងៃនេះដំណើរជីវិតរលូនទៅមុខសន្សឹមៗ ហេតុនេះក៏ផ្តល់ផលល្អសម្រាប់លោកអ្នកសម្រេចចិត្តក្នុងរឿងអ្វីមួយពីព្រោះថាតែងឆ្លើយតបមកវិញជាលទ្ធផលគ្រាន់ពេញចិត្តផង។ទោះបីយ៉ាងណាបុរសប្រកបការងារអ្វីតោងតែប្រយ័ត្នប្រយែងផងដែរពីព្រោះថាផលអាក្រក់អាចកើតមានគ្រប់ពេល។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញហើយបើលោកអ្នកចង់បើករបរអ្វីមួយតែងសមដូចប្រកបផង ។ការរស់នៅទោះលោកអ្នកទៅកាន់ទីណាមានតែក្រុមមនុស្សស្វាគមន៍រាក់ទាក់និងអាណិតស្រឡាញ់ជានិច្ច។
រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃ៕
ឆ្នាំមមែ
រាសីខ្ពស់ត្រដែត។នៅថ្ងៃនេះដំណើរជីវិតល្អប្រសើរ ម្ល៉ោះហើយទោះធ្វើអ្វីក៏តែងមានការជឿនលឿនទៅមុខនិងមានជោគមានជ័យផង។សម្រាប់ថ្ងៃនេះដែរបើលោកអ្នកប្រកបការងារអ្វីចៅហ្វាយនាយឆាប់មើលឃើញនិងកោតសសើរដែរ។អ្នកប្រកបរបររកស៊ីជួញដូរការចេញធ្វើជំនួញផ្លូវឆ្ងាយជិតមានភាពកាក់កបគួរសមតែយ៉ាងណាត្រូវប្រយ័ត្នពាក្យសម្តីបន្តិចមិនដូច្នេះជោគលាភទាំងនេះនឹងត្រូវរលាយដូចអំបិលត្រូវទឹកអញ្ចឹង។
រីឯបញ្ហាគូស្នេហ៍ប្រុសស្រីមានការនឹករលឹកនិងប្រាស្រ័យទាក់ទងគ្នាល្អគួរសម៕
ឆ្នាំវក
រាសីស្រុតចុះ។ក្នុងថ្ងៃនេះដំណើរជីវិតរបស់លោកអ្នកមិនល្អប្រសើរទេ ដូចនេះទោះធ្វើអ្វីក៏តែងមានបញ្ហាប្រទាំងប្រទើសនិងរឿងរាវមិនល្អឈានចូលខ្លះៗនាំរកាំចិត្តផង។សម្រាប់អ្នកប្រកបរបររកស៊ីជួញដូរវិញទោះការជួញទីជិតឆ្ងាយក្តីជួបផលលំបាកក្នុងការរកផលចំណូលបន្តិចនិងក្រៅពីនេះលោកអ្នកគួរប្រយ័ត្នប្រយែងពីការមានជម្លោះវិវាទថែមទៀត ។
បញ្ហាសេចក្តីស្នេហាកំលោះក្រមុំមិនមានឧបសគ្គអ្វីគួរជាទីកត់សម្គាល់ទេគឺដូចតែសព្វមួយដង៕
ឆ្នាំរកា
រាសីល្អជាមធ្យម។នៅថ្ងៃនេះឃើញថាដំណើរជីវិតរបស់លោកអ្នកបានផ្លាស់ប្តូរមកល្អប្រសើរឡើងវិញ ហើយធ្វើអ្វីក៏តែងផ្តល់ជាផ្លែផ្កាគ្រាន់ជាទីកក់ក្តៅជាងមុន។ការប្រកបការងារហាក់ទទួលរងសម្ពាធច្រើនដូចនេះត្រូវចេះធ្វើគធ្វើថ្លង់នូវបញ្ហាមួយចំនួនទើបគ្មានរឿងរាវចូលមកលុកលុយទៅកើត។សម្រាប់ការប្រកបការងាររកស៊ីជួញដូរមានការលំបាកក្នុងការរកផលចំណូលបន្តិចតែយ៉ាងណាការជួញទីជិតឆ្ងាយក៏នៅអាចរកផលចំណូលគ្រាន់បំពេញបំពង់ផង។
សម្ព័ន្ធស្នេហាកំលោះក្រមុំមានការរីកលូតលាស់ទៅមុខតែលោកអ្នកមិនត្រូវភ្លើតភ្លើនហួសហេតុឡើយប្រយ័ត្ននាំផលលំបាកណាមួយនៅគ្រាខាងមុខ៕
ឆ្នាំច
រាសីស្រុតចុះ។នៅថ្ងៃនេះសម្រាប់បុរសចូរប្រយ័ត្នការបើករថយន្តពីព្រោះថាផលលំបាកណាមួយកើតឡើង។អ្នកប្រកបរបររកស៊ីជួញដូរនៅថ្ងៃនេះវិញការធ្វើជំនួញទីជិតឆ្ងាយមិនទាន់ភ្លឺថ្លាប៉ុន្មានទេគឺអួអាប់ណាស់ហើយផលចំណូលនោះទៀតសោតក៏ផ្តល់ផ្លែផ្កាគួរជាទីកក់ក្តៅ។ការធ្វើដំណើរទីជិតឆ្ងាយមិនសូវមានសុវត្តិភាពប៉ុន្មានទ្បើយពិសេសពេលយប់ព្រលប់ប្រយ័ត្នក្រុមមនុស្សបៀតបៀនយាយីដោយប្រការណាមួយ។
រីឯបញ្ហាសម្ព័ន្ធស្នេហាប្រុសស្រីមានការខ្វាយខ្វល់ព្រោះតែភាពប្រចែប្រច័ណ្ឌកំពុងលុកលុយ៕
ឆ្នាំកុរ
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់ប្រកបកិច្ចការងារសំខាន់ឬចាត់ចែងអ្វីមួយពីព្រោះថាផលជាផ្លែផ្កាតែងហុចមកវិញជានិច្ច។សម្រាប់អ្នកប្រកបរបររកស៊ីជួញដូរទោះលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចផ្លែផ្កាមកវិញគ្រាន់ជាទីកក់ក្តៅផងដែរ។ការធ្វើដំណើរទាំងស្ត្រីបុរសឱ្យប្រយ័ត្នក្រុមមនុស្សបៀតបៀនយាយីដោយប្រការណាមួយ។
រីឯបញ្ហាសេចក្តីស្នេហាកំលោះក្រមុំមានភាពជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
- Advertisment -