Yearly Archives: 2020
ក្រសួងសុខាភិបាល ចេញប្រកាសព័ត៌មានផ្លូវការ ករណីស្ត្រីជនជាតិអង់គ្លេស ផ្ទុកមេរោគ Covid-19
ភ្នំពេញ៖ ក្រសួងសុខាភិបាល ចេញសេចក្តីព័ត៌មានប្រកាសផ្លូវការ ស្តីពី ករណីវិជ្ជមានកូវីដ១៩ លើស្ត្រីជនជាតិអង់គ្លេស អាយុ៦៥ឆ្នាំ មានផ្ទុកមេរោគ Covid-19 ជាអ្នកដំណើរតាមតាមនាវា វីគីង គ្រូស ជ្យូណី (Viking Cruise Journey) នៅខេត្តកំពង់ចាម។
សេចក្តីប្រកាសព័ត៌មាននៅយប់ថ្ងៃទី១០ ខែមីនា ឆ្នាំ២០២០នេះ បានរៀបរាប់ឲ្យដឹងថា នៅរសៀលម៉ោង៤និង៣០នាទី ថ្ងៃទី១០ ខែមីនា ឆ្នាំ២០២០នេះ...
អគ្គិភ័យឆាបឆេះផ្ទះប្រជាពលរដ្ឋ២ខ្នងនៅឃុំកោះមិត្ត រងរបួសម្ចាស់ផ្ទះ១នាក់រលាកពេញខ្លួន
ស្រុកកំពង់សៀម៖ នៅថ្ងៃទី១០ ខែមីនា ឆ្នាំ ២០២០ វេលាម៉ោង ១៥និង០០ នាទី មានករណីអគ្គិភ័យ ១កើតឡើងនៅចំណុចភូមិស្វាយជ្រុំ ឃុំកោះមិត្ត ស្រុកកំពង់សៀម ខេត្តកំពង់ចាម បណ្ដាលឱ្យឆេះផ្ទះចំនួន ២ខ្នង និងខូចខាតសម្ភារៈប្រើប្រាស់មួយចំនួន។
ម្ចាស់ផ្ទះទី១ ម្ចាស់ឈ្មោះ ហេង អ៊ាន អាយុ ៧០ឆ្នាំ ភេទប្រុស (ពោះម៉ាយ) មានទំហំ...
ស្ត្រីម្នាក់ត្រូវដេីមសំរ៉ង បាក់សង្កត់លេីស្លាប់ ពេលបាននាំគ្នាទៅកាប់ដើមសំរ៉ង ដេីម្បីយកផ្លែ
កោះកុង៖ តាមការរៀបរាប់ពីក្រុមគ្រួសារជនរងគ្រោះ បានឲ្យដឹងថា នៅវេលាម៉ោង ១២និង៤០នាទី នាថ្ងៃទី១០ មីនា ២០២០ ជនរងគ្រោះ ឈ្មោះ នាង ប៊ុមធឿន ភេទស្រី អាយុ ៥០ឆ្នាំ ជនជាតិខ្មែរ មានទីលំនៅភូមិជីមាល ឃុំអណ្ដូងទឹក ស្រុកបុទុមសាគរ បានទៅកាប់ដើមសំរ៉ង ដេីម្បីយកផ្លែ ជាមួយប្ដី កូន និងបងបង្កើតសរុបមានគ្នា...
មនុស្ស១១នាក់ ករណីប្រើប្រាស់ និងជួញដូរគ្រឿងញៀនបញ្ជូនទៅតុលាការ ឯ ៥ នាក់ឲ្យត្រឡប់ទៅផ្ទះវិញ
កំពង់ឆ្នាំង៖ សុទ្ធតែយុវជនពេញកម្លាំងចំនួន១៦នាក់ ត្រូវបានសមត្ថកិច្ចនគរបាលខេត្តកំពង់ឆ្នាំង បង្ហាញមុខជាសាធារណៈ ដែលពាក់ព័ន្ធករណីប្រើប្រាស់ និងជួញដូរគ្រឿងញៀន នៅក្នុងទីតាំងខារ៉ាអូខេមួយកន្លែង។
ប្រភពពីសមត្ថកិច្ចបានឲ្យដឹងថា មនុស្សទាំង១៦នាក់ ត្រូវបានធ្វើការបង្ហាញមុខជាសាធារណៈ នៅសៀលថ្ងៃទី១០ ខែមីនា ឆ្នាំ ២០២០ នៅស្នងការដ្ឋាននគរបាលខេត្តកំពង់ឆ្នាំង ដែលមានការពាក់ព័ន្ធករណីជួញដូរចែកចាយ និងប្រើប្រាស់គ្រឿងញៀន នៅចំនុចហាងខារ៉ាអូខេktvគ្រួសារ ស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ដែលភាគច្រើនជាសិស្សសា លាគេចមិនចូលរៀន ហើយបានយកទីតាំងខារ៉ាអូខេនេះ...
កម្លាំងនគរបាលខេត្តសៀមរាប ឃាត់ខ្លួនជនសង្ស័យម្នាក់ ពីបទផ្សព្វផ្សាយព័ត៌មានមិនពិត (អ្នកព្រៃគុយមួយគ្រួសារមានអ្នកឆ្លងវីរុសកូរ៉ូណា)
សៀមរាប៖ អគ្គស្នងការដ្ឋាននគបាល បានចេញផ្សាយព័ត៌មានថា កម្លាំងនៃការិយាល័យប្រឆាំងបទល្មើសបច្ចេកវិទ្យា បានសហការជាមួយកម្លាំង នៃអធិការដ្ឋាននគរបាលស្រុកប្រាសាទបាគង បានចុះឃាត់ខ្លួនជនសង្ស័យម្នាក់ឈ្មោះ ថៃ ឆយឿន ពាក់ព័ន្ធនឹងបង្ហោះព័ត៌មានមិនពិត ករណីអ្នកព្រៃគុយមួយគ្រួសារឆ្លងវីរុសកូរ៉ូណា ( ហើយមានកូនគាត់រៀននៅសាលាស្វាយធំ។ សូមប្រុងប្រយ័ត្នទាំងអស់គ្នាផងណា ព្រោះពួកគាត់ មិនដឹងបានដើរចម្លងអ្នកណាខ្លះទេ)
ក្រោយពីការបង្ហោះ សមត្ថកិច្ចបានចុះស្រាវជ្រាវរកមុខសញ្ញា អ្នកបំពុលព័ត៌មានមិនពិតក្នុងសង្គម រហូតឈានដល់ឃាត់ខ្លួនជនសង្ស័យឈ្មោះ ថៃ ឆយឿន ភេទស្រី រស់នៅភូមិជ្រៃ ឃុំកណ្តែក...
ជប៉ុនផ្តល់ជំនួយឥតសំណងជាង ២០ លានដុល្លារ លើការអភិវឌ្ឍន៍វិស័យទឹកស្អាតនៅភ្នំពេញ
ភ្នំពេញ៖ យោងតាមសំណើរបស់ភាគីកម្ពុជា ស្នើសុំជាហិរញ្ញប្បទានក្នុងទឹកប្រាក់ប្រមាណជាង២០លានដុល្លារនោះ ឥឡូវសំណើនេះរាជរដ្ឋាភិបាលជប៉ុន បានសម្រេចផ្តល់ជាជំនួយឥតសំណងវិញ ដើម្បីជួយអភិវឌ្ឍន៍វិស័យទឹកស្អាតរាជធានីភ្នំពេញ ខណៈរាជធានី ត្រូវបានពង្រីកវិសាលភាពផ្ទៃដីរដ្ឋបាលកាន់តែធំឡើង។
នៅព្រឹកថ្ងៃអង្គារទី១០ ខែមីនា ឆ្នាំ២០២០ លោកកិត្តិសេដ្ឋាបណ្ឌិតចម ប្រសិទ្ធ ទេសរដ្ឋមន្រី្ត រដ្ឋមន្ត្រីក្រសួងឧស្សាហកម្មនិងសិប្បកម្មបានទទួលជួបពិភាក្សាការងារជាមួយលោក MIKAMI Masahiro ឯកអគ្គរាជទូតជប៉ុនប្រចាំកម្ពុជា នៅទីស្តីការក្រសួង ក្នុងគោលបំណងនៃជំនួបពិភាក្សា ដៃគូសន្ទនា បានផ្តោតការយកចិត្តទុកដាក់ទៅលើការអភិវឌ្ឍន៍វិស័យទឹកស្អាតនៅកម្ពុជា។
ដែលក្នុងឱកាសនោះ លោក MIKAMI Masahiro...
មានក្រុមហ៊ុន សហគ្រាស ឱសថស្ថានគ្រប់ប្រភេទ ម្ចាស់ហាងទំនិញ ឆ្លៀតឱកាសដំឡើងថ្លៃទំនិញនៅក្រុងសៀមរាប
សៀមរាប ៖ រដ្ឋបាលខេត្តសូមជូនដំណឹងដល់ក្រុមហ៊ុន សហគ្រាស ឱសថស្ថានគ្រប់ប្រភេទ ម្ចាស់ហាងទំនិញ និងសាធារណជនជ្រាបថា ដោយមានបញ្ហារីករាលដាលជំងឺរលាកសួតដោយវីរុស COVID-19 នៅបណ្តាប្រទេសនានា ក្នុងនោះក៏មានក្រុងសៀមរាបផងដែរ។
រដ្ឋបាលខេត្តសៀមរាប កាលពីថ្ងៃទី១០ខែមីនា បានចេញសេចក្តីជូនដំណឹងថា ក្នុងរយៈពេលមានវីរុស COVID-19 នេះកើតមានឡើងរដ្ឋបាលខេត្ត សង្កេតឃើញថាក្រុមហ៊ុន សហគ្រាស ឱសថស្ថានគ្រប់ប្រភេទ ម្ចាស់ហាងទំនិញមួយចំនួន ឆ្លៀតឱកាសដំឡើងថ្លៃទំនិញ គ្រឿងបរិភោគ និងសម្ភារៈប្រើប្រាស់ចាំបាច់មួយចំនួន។ ក្នុងន័យនេះ...
ហោរាសាស្ត្រសម្រាប់ថ្ងៃពុធ ទី ១១ ខែមីនា ឆ្នាំ ២០២០
ឆ្នាំជូត
រាសីល្អជាមធ្យម។ នៅក្នុងថ្ងៃនេះលោកអ្នកទោះធ្វើអ្វីក៏ដោយមិនគប្បីរឹងចចេសឬមិនស្តាប់គេស្តាប់ឯងនោះឡើយបើមិនដូច្នេះនាំជះឥទ្ធិពលអាក្រក់ណាមួយមកវិញ។ចំពោះបញ្ហាប្រាក់កាសលោកអ្នកទុកនៅខ្លួនពុំសូវជាប់ទេតែងហូរចេញអស់ៗទៅវិញ។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើនដូច្នេះគួរមានការប្រយ័ត្តប្រយែងឱ្យបានខ្លាំងក្លា។ការធ្វើដំណើរឆ្ងាយជិតចូរប្រយ័ត្នក្រុមមនុស្សតាមព្យាបាទយាយីដោយប្រការណាមួយ។
រីឯបញ្ហាប្រុសស្រីបើចង់ធ្វើការជ្រើសរើសគូស្រករពុំសូវល្អទេពីព្រោះច្រើនជួបគូកម្មជាងគូព្រេង៕
ឆ្នាំឆ្លូវ
រាសីស្រុតចុះ។ លោកអ្នកកើតឆ្នាំឆ្លូវទោះធ្វើអ្វីក៏ដោយតោងតែប្រយ័ត្នឱ្យបានខ្លាំងក្លាពីព្រោះថាងាយជួបបញ្ហារាំងស្ទះនិងមានបញ្ហាអាក្រក់យាយីផង។ក្រៅពីនេះលោកអ្នកមិនត្រូវហ៊ានរិះគន់ចៅហ្វាយនាយឡើយព្រោះជញ្ជាំងមានត្រចៀកប្រយ័ត្នត្រូវជួបផលលំបាកណាមួយមកវិញនៅគ្រាក្រោយ។អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមិនដូចជាទីគាប់ចិត្តទេគឺបានគ្រាន់មួយទប់ទល់ចាយវាយ។
រីឯបញ្ហាសេចក្តីស្នេហាកំលោះក្រមុំជួបរឿងងាករេច្រើនព្រោះតែមើលអ្នកដទៃឃើញល្អជាងគូស្នេហ៍របស់ខ្លួនឯង៕
ឆ្នាំខាល
រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយអាចទទួលដំណឹងល្អអ្វីមួយឱ្យសប្បាយចិត្តផង។ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។
រីឯបញ្ហាស្នេហាប្រុសស្រីមានការលូតលាស់ទៅមុខនិងកំពុងផ្អែមល្អែមល្អប្រពៃ៕
ឆ្នាំថោះ
រាសីល្អជាមធ្យម។ ក្នុងថ្ងៃនេះ ដួងរាសីស្ថិតនៅក្នុងកម្រិតមធ្យមដូចនេះទោះធ្វើអ្វីក៏តែងមានការចម្រើនលូតលាស់សន្សឹមៗទៅមុខដែរ។ សម្រាប់អ្នកប្រកបរបររកស៊ីជួញដូរជួបរឿងប្រទាំងប្រទើសច្រើនបន្តិចតែយ៉ាងណាប្រាក់ចំណូលគ្រាន់នៅមួយទប់ទល់ផងដែរ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
រីឯបញ្ហាសេចក្តីស្នេហាប្រុសស្រីចូរប្រយ័ត្នការយល់ខុសក្នុងរឿងអ្វីមួយក្លាយជារឿងជម្លោះវិវាទ៕
ឆ្នាំរោង
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបច្រើនពិសេសងាយកើតបញ្ហាចម្រូងចម្រាសថែមទៀត។អ្នកប្រកបរបររកស៊ីជួញដូរបើមានការសន្យាអ្វីមួយកុំសង្ឃឹមពេកប្រយ័ត្នខកបំណងមិនដូចសេចក្តីប្រាថ្នា។ការធ្វើដំណើរឆ្ងាយជិតមិនសូវមានសុវត្តិភាពប៉ុន្មានទេម្ល៉ោះហើយគប្បីមានការប្រយ័ត្នប្រយែងបន្តិចទើបមិនមានបញ្ហាអាក្រក់ណាមួយចោទឡើង។
រីឯបញ្ហាស្នេហាប្រុសស្រីលោកអ្នកអាចជួបនូវមនុស្សគួរចាប់អារម្មណ៍និងអាចឈានដល់ចំណងស្នេហ៍ផងបើអ្នកមិននៅមិនទាន់មានគូរគាប់នៅឡើយ៕
ឆ្នាំម្សាញ់
រាសីល្អជាមធ្យម។នៅថ្ងៃនេះបញ្ហាផ្សេងៗតែងតែលេចចេញមកជាបន្តបន្ទាប់ម្ល៉ោះហើយធ្វើឱ្យលោកអ្នកត្រូវទទួលរងផលលំបាកយាយីច្រើនដែលត្រូវឆ្លងកាត់។ក្រៅពីនេះចំពោះការប្រកបការងារចូរប្រយ័ត្នកូនចៅនៅក្រោមបង្គាប់ឬបើជាកូនចៅគេអាចនឹងត្រូវជួបផលលំបាកអ្វីមួយនាំមានរឿងរាវឈឺក្បាលច្រើន។អ្នកប្រកបរបររកស៊ីជួញដូរលាភតូចធំពុំសូវមានសំបូរទេព្រោះបើមិនបោលហួសក៏ចាប់មិនសូវជាប់ដែរ។ការធ្វើដំណើរឆ្ងាយជិតចូរប្រយ័ត្នក្រុមមនុស្សបង្កផលលំបាកអ្វីមួយត្រូវជួបតែរឿងរាវវែងឆ្ងាយបន្តទៅទៀត។
រីឯបញ្ហាសេចក្តីស្នេហាកំលោះក្រមុំកើតមានការរកាំរកូសនិងមានរឿងរាវប្រឆាំងគ្នាបន្តបន្ទាប់៕
ឆ្នាំមមី
រាសីខ្ពស់ត្រដែត។ ក្នុងថ្ងៃនេះដួងរាសីឡើងខ្ពស់ដូចនេះបញ្ហាដែលធ្លាប់តែតានតឹងនឹងប្រែមកប្រសើរឡើងវិញ។នៅថ្ងៃនេះដែរបើលោកអ្នកចង់ធ្វើការចរចារឿងអ្វីមួយមិនត្រឹមឆាប់ត្រូវរ៉ូវគ្នាទេតែអាចសម្រេចជោគជ័យយ៉ាងឆាប់រហ័សទៀតផង។អ្នកប្រកបរបររកស៊ីជួញដូរបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
រីឯបញ្ហាសេចក្តីស្នេហាប្រុសស្រីមានភាពផ្អែមល្ហែមដូចទឹកឃ្មុំ៕
ឆ្នាំមមែ
រាសីខ្ពស់ត្រដែត។ ក្នុងថ្ងៃនេះយីអ៊ុនបានងើបខ្ពស់ដូច្នេះជាឱកាសល្អសម្រាប់លោកអ្នកបំពេញកិច្ចការងារឬសម្រេចចិត្តធ្វើអ្វីមួយព្រោះមិនត្រឹមឆាប់ទទួលផ្លែផ្កាទេគឺនៅមានមនុស្សការពារគាំទ្រច្រើនទៀតផង។ទាំងស្ត្រីបុរសការបំពេញការងារមានលក្ខណះពេញដៃពេញជើងនិងក្រុមមនុស្សជួយជ្រោមជ្រែងជានិច្ច។អ្នកប្រកបរបររកស៊ីជួញដូរទោះជួញទីជិតឆ្ងាយតែងអាចប្រមូលភោគផលត្រឡប់ចូលផ្ទះវិញដូចជាទីគាប់បំណង។
រីឯបញ្ហាសេចក្តីស្នេហាប្រុសស្រីមានភាពត្រជាក់ត្រជុំដូចទឹកអម្រិត៕
ឆ្នាំវក
រាសីល្អជាមធ្យម។ នៅថ្ងៃនេះលោកអ្នកមិនគប្បីឆាប់ជឿក្រុមមនុស្សពេកទេព្រោះងាយជួបគ្រោះចាញ់បោកគេណាស់។ក្រៅពីនេះលោកអ្នកឱ្យប្រយ័ត្នក្រុមមនុស្សមាត់អុជអាលនាំជួបផលលំបាកណាមួយដែលរកនឹកស្មានមិនដល់។អ្នកប្រកបរបររកស៊ីជួញដូរនៅក្នុងថ្ងៃនេះដែរមានភាពលំនឹងល្អហើយទោះជួញទីជិតឆ្ងាយអាចរកផលកម្រៃចូលហែៗគ្រាន់សម្រាប់ការចាយវាយអញ្ចឹងដែរ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯបញ្ហាគូស្នេហ៍ប្រុសស្រីកុំគប្បីយកភាពប្រកែប្រកាន់និងកំហឹងទល់កំហល់ដាក់ខ្លួនប្រយ័ត្នកើតរឿងជម្លោះវិវាទឥតឈប់ឈរហើយឈានមិនដល់ខ្លោងទ្វារអាពាហ៍ពិពាហ៍៕
ឆ្នាំរកា
រាសីខ្ពស់ត្រដែត។ នៅថ្ងៃនេះយីអ៊ុនរបស់លោកអ្នកបានផ្លាស់ប្តូរមកល្អប្រពៃម្ល៉ោះហើយបើចង់សម្រុកកិច្ចការអ្វីមួយជាឱកាសល្អណាស់ព្រោះតែងផ្តល់ផលល្អជាងអាក្រក់។សម្រាប់អ្នកប្រកបរបររកស៊ីជួញដូរបើចង់ជួញទីជិតឆ្ងាយមិនថាផ្លូវទឹកផ្លូវអាកាសផ្លូវគោកក្តីតែងហុចផ្លែផ្កានិងប្រមូលផលកម្រៃគ្រាន់ជាទីកក់ក្តៅហើយក៏មានភាពសុខដុមគួរជាទីសុខដុមផ្លូវចិត្ត ។
រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំច
រាសីល្អជាមធ្យម។ ថ្ងៃនេះបើទោះបីធ្វើអ្វីក៏ដោយតែងមានអារម្មណ៍តានតឹងច្រើនដូចនេះត្រូវចេះអត់ធ្មត់តស៊ូបន្តិចទើបប្រសើរ។ការរស់នៅមនុស្សល្អអាចប្រែជាអាក្រក់ដោយសារផលប្រយោជន៍អ្វីមួយម្ល៉ោះហើយលោកអ្នកគប្បីមានការប្រយ័ត្នប្រយែងបន្តិចទើបមិនទទួលរងផលលំបាកកើតឡើងដោយប្រការណាមួយ។ចំពោះអ្នកប្រកបរបររកស៊ីជួញដូរមានការជួបស្ថានភាពលំបាកក្នុងការរកប្រាក់ចំណូលឯការចាយវាយទៀតសោតគ្រប់សារពើធ្វើឱ្យមិនសូវសុខស្រួលខ្លួនប៉ុន្មានទេ។
រីឯសម្ព័ន្ធស្នេហាប្រុសស្រីមានដំណើរថយក្រោយម្ល៉ោះហើយធ្វើឱ្យជួបបញ្ហាប្រទាំងប្រទើសចំពោះគ្នាមិនតិចនោះឡើយ៕
ឆ្នាំកុរ
រាសីល្អជាមធ្យម។ ក្នុងថ្ងៃនេះការដែលធ្វើអ្វីៗហាក់ធ្លាក់ទាបបន្តិចដូចនេះបើលោកអ្នកប្រកបការងារអ្វីក៏ដោយមិនអាចធ្វេសប្រហែសបានទេពីព្រោះងាយជួបនឹងបញ្ហាយាយីផង។សម្រាប់ពេលនេះទ្រព្យសំណាងមានការប្រែប្រួលដែរចូរប្រយ័ត្នការខាតបង់ដោយប្រការណាមួយ។អ្នកប្រកបរបររកស៊ីជួញដូរយីអ៊ុនរបស់លោកអ្នកមិនសមដូចប្រកបប៉ុន្មានទេបើដូចនេះទោះធ្វើជំនួញទីជិតឆ្ងាយមិនត្រូវលោភលន់ចង់ចំណេញច្រើនឡើយបើពុំនោះប្រយ័ត្នត្រូវមកដេកសោកស្តាយនៅឯផ្ទះវិញ។
បញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការរីកលូតលាស់ទៅមុខគួរសមហើយកំពុងផ្អែមល្ហែមប្រពៃ៕
ក្រសួងសុខាភិបាល ប្រកាសរកឃើញករណីឆ្លងវីរុសកូរីដ-១៩ លើស្រ្តីជនជាតិអង់គ្លេសអាយុ៦៥ឆ្នាំ
ភ្នំពេញ៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាលបានអះអាងថា វិទ្យាស្ថានប៉ាស្ទ័រកម្ពុជា បានពិនិត្យរកឃើញស្រ្តីជនជាតិអង់គ្លេសម្នាក់ អាយុ៦៥ឆ្នាំ មានផ្ទុកជំងឺកូវីដ១៩នៅខេត្តកំពង់ចាម។
រដ្ឋមន្រ្តីក្រសួងសុខាភិបាលលោក ម៉ម ប៊ុនហេង បានបញ្ជាក់បែបនេះក្នុងសន្និសីទសារព័ត៌មាន បន្ទាន់មួយស្តីពីជំងឺកូវីដ១៩នៅល្ងាចថ្ងៃទី១០ ខែមីនា ឆ្នាំ២០២០នេះ។
លោក ម៉ម ប៊ុនហេង ថ្លែងថាស្រ្តីរូបនោះត្រូវបានដាក់ដោយឡែក នៅក្នុងមន្ទីរពេទ្យបង្អែកខេត្តកំពង់ចាម។
គិតមកត្រឹមល្ងាចថ្ងៃនេះ កម្ពុជារកឃើញអ្នកឆ្លងកូវីដ-១៩ ចំនួន៣ករណីហើយ ដែលក្នុងនោះបុរសជនជាតិចិនម្នាក់ត្រូវបានរកឃើញនៅថ្ងៃទី២៧ ខែមករា នៅខេត្តព្រះសីហនុ...
ទស្សនាសំរាមក្នុងប្រឡាយបឹងត្របែក ដែលអាជ្ញាធរកំពុង កាយយកចេញ
ភ្នំពេញ ៖ បើតាមមន្ត្រីរដ្ឋបាលខណ្ឌចំការមន បានឲ្យដឹងថា៖ ក្នុងមួយថ្ងៃអាជ្ញាធរខណ្ឌចំការមនធ្វើការដឹកជញ្ជូនសំរាម បានចំនួន១៨ឡាន ដែលក្នុងមួយឡានមានទម្ងន់ប្រហែល៥តោន ស្នើនឹង៩០តោន ចេញពីប្រឡាយលូបឹងត្របែក យកទៅចាក់នៅទីលានចាក់សំរាម ដែលការងារនេះបានអនុវត្តតាំងពីថ្ងៃសៅរ៍ ចុងសប្តាហ៍មុននេះ រហូតដល់អស់សំរាមពីក្នុងប្រឡាយលូ។ ការប្រមូលសំរាមនេះ ធ្វើឡើងដើម្បីបញ្ចៀសជំនន់ទឹកភ្លៀងនារដូវវស្សា ដែលនឹងឈានមកដល់ពេលឆាប់ៗខាងមុខនេះ។
លោកថេង សុថុល អភិបាលខណ្ឌចំការមន បានមានមតិដោយធ្វើការអំពាវនាវឲ្យប្រជាជន ចូលរួមក្នុងវេចខ្ចប់ទុកដាក់ កាកសំណល់សំរាមឲ្យបានត្រឹមត្រូវ ជៀសវាងបោះចោលផ្តេសផ្តាស ជាហេតុនាំឲ្យហូរ ចូលទឹកប្រឡាយបឹងត្របែកឬប្រព័ន្ធលូ...
- Advertisment -